Quşencə kəndinin sakinləri adından, İsmayıllı, Azərbaycan

Hörmətli cənab Prezident.

Sizin 20 illik fəaliyyətiniz dövründə ölkəmiz böyük inkişaf yolu keçmiş, müəyyən olunmuş hədəflərə çatmışdır. Ən əsası bizim böyük dərdimiz olan Qarabağ məsələsi Sizin müdrik siyasətiniz, mahir sərkərdəlik bacarığınız sayəsində həll olundu. Siz ata vəsiyyətini yerinə yetirərək doğma Qarabağımızı düşmən tapdağından xilas etdiniz. Bu gün Ulu Öndər Heydər Əliyev və şəhidlərimizin ruhları dinclik tapır.

Cənab Prezident, işğaldan azad edilmiş bölgələrimizdə sürətlə aparılan bərpa-quruculuq və yenidənqurma işləri hər bir azərbaycanlı kimi biz kənd sakinlərini də qürurlandırır və sevinc bəxş edir. Bütün bunlar dövlətimizin nə qədər güclü iqtisadiyyata malik ölkə olduğunu göstərir. Var olun, cənab Prezident!

Sizi Azərbaycan Respublikasının Prezidenti seçilməyinizin 20-ci ildönümü, eləcə də ölkəmizin ərazi bütövlüyünün, suverenliyinin və tarixi ədalətin bərpa olunması münasibətilə ürəkdən təbrik edir, cansağlığı, ali dövləti fəaliyyətinizdə yeni uğurlar arzulayırıq. Hər zaman daxili və xarici siyasətinizi dəstəkləyirik.

Ulu Tanrı Sizi və ailənizi qorusun!

Hörmətlə,

Məmmədov Qamət,

Azərbaycan Respublikası, İsmayıllı rayonu, Quşencə kəndi.