Malayziyada yaşayan azərbaycanlılardan, Kuala-Lumpur, Malayziya

Hörmətli cənab Prezident, Müzəffər Ali Baş Komandan!

Vətən müharibəsində qazanılan Zəfərin üçüncü ildönümünü böyük sevinc və coşqu ilə qeyd etdik. Malayziyada yaşayan azərbaycanlılar adından Sizə minnətdarlığımızı bildiririk. Sizin rəhbərliyinizlə Azərbaycan xalqı və dünya azərbaycanlıları Zəfərin qürurunu yaşayırlar. Bu Qələbə həm də onu göstərdi ki, biz, xaricdə yaşayan azərbaycanlılar daha güclü olmalı, Azərbaycan məfkurəsi ətrafında daha sıx birləşməliyik. Sizin hər zaman vurğuladığınız kimi, Qələbə qəhrəman əsgər və zabitlərimizin canı, qanı bahasına əldə olunub. Allahdan şəhidlərimizə rəhmət, qazilərimizə cansağlığı diləyirik.

Möhtərəm Prezident, işğaldan azad olunmuş torpaqlarımızda aparılan bərpa-quruculuq işlərini görürük. Bu, Azərbaycanın dünyaya verdiyi ən önəmli mesajdır. Əminik ki, azad edilmiş ərazilərimiz Sizin rəhbərliyinizlə dünyanın ən gözəl bölgələrindən birinə çevriləcək. Sizi və xalqımızı Zəfər Günü münasibətilə təbrik edirik.

Hörmətlə,

Malayziyada yaşayan azərbaycanlılar:

Elçin Hüseynov,

Nail Kərimov,

Aygün Bapna,

Gülçöhrə Rao və başqaları (cəmi 13 nəfər).

Malayziya, Kuala-Lumpur şəhəri.