Fuad Tağıyev və başqalarından, İsmayıllı, Azərbaycan

Möhtərəm Prezident!

Sizin İsmayıllıya etdiyiniz səfərlər bizim üçün əsl toy-bayramdır. Sizin və Birinci vitse-prezident Mehriban xanım Əliyevanın rayonumuza gəlişi biz rayon sakinlərinə göstərdiyiniz diqqət və qayğının bariz nümunəsidir.

Hörmətli İlham Əliyev!

Sizin rəhbərliyinizlə ölkədə həyata keçirilən islahatlar, aparılan abadlıq-quruculuq işləri hər bir azərbaycanlının sosial rifahının yaxşılaşdırılmasına xidmət edir. Sevindirici və təqdirəlayiq haldır ki, həyata keçirdiyiniz genişmiqyaslı layihələrdə həssas təbəqədən olan insanlar da yer alır.

Mehriban xanım Əliyevanın təşəbbüsü ilə DOST İnklüziv İnkişaf və Yaradıcılıq Mərkəzinin “DOST EVİ” filialının yaradılması həssas təbəqədən olan insanların yaradıcılıq potensialının daha da inkişaf etdirilməsinə kömək edəcəkdir. Buna görə Sizə və Azərbaycanın uğurlu gələcəyi naminə Sizinlə çiyin-çiyinə çalışan Mehriban xanıma dərin minnətdarlığımızı bildiririk.

Tanrı Sizi qorusun!

Hörmət və ehtiramla,

İsmayıllı rayon sakinləri adından,

Fuad Tağıyev, şəhid atası,

Cəmilə Əkbərova,

Nəzakət Cəbrayılova,

Tərlan Mehdiyev,

Şansuar Abbasov,

Mahirə Məmmədova.

Azərbaycan Respublikası, İsmayıllı şəhəri.