Məhəmməd Əliyev və başqalarından, Gədəbəy, Azərbaycan

Hörmətli cənab Prezident.

On yeddi min nəfər əhalinin yaşadığı 19 yaşayış məntəqəsini birləşdirən Kiçik Qaramurad‒Cəfərli‒Əyrivəng‒Alnabat‒Kərimli‒İnəkboğan‒Göyəmli‒Şınıx‒Göyəlli‒Çobankənd‒Şahdağ‒Çiçəkli avtomobil yolunun əsaslı təmiri məqsədilə imzaladığınız Sərəncam bütün gədəbəylilər, o cümlədən həmin yaşayış məntəqələrinin sakinləri tərəfindən böyük sevinc və rəğbətlə qarşılandı.

Bu Sərəncam Gədəbəy rayonunun inkişaf etdirilməsi üçün verdiyiniz ilk sərəncam deyil. Məmnunluq hissə ilə qeyd etmək lazımdır ki, rayonun bütün bölgələrində mərhələli şəkildə avtomobil yolları əsaslı təmir olunur. Ümumiyyətlə, tikinti, quruculuq, abadlıq işləri aparılır.

Cənab Prezident, bütün kənd sakinləri, ağsaqqalları adından Sizə dərin minnətdarlığımızı bildirir, gələcək fəaliyyətinizdə uğurlar arzulayırıq.

Hörmətlə,

Əliyev Məhəmməd,

Zeynalov Ləzgi,

Qarayev Arif,

Əliyev Mübariz və başqaları (8 imza).

Azərbaycan Respublikası, Gədəbəy rayonu, Daryurd və Cəfərli kəndləri.