Azərbaycan Respublikasının Prezidenti Zati-aliləri cənab İlham Əliyevə
Zati-aliləri, hörmətli cənab Prezident.
Böyük Britaniyadakı Azərbaycan icması və “Qarabağ” məktəbinin kollektivi adından və şəxsən öz adımdan Sizə doğum gününüz münasibətilə ən səmimi təbriklərimizi çatdırıram. Sizə möhkəm cansağlığı, tükənməz enerji və sevimli ölkəmizə xidmətdə davamlı müvəffəqiyyətlər arzulayırıq.
Siz Azərbaycan xalqının vətənpərvər və fədakar oğlu, müdrik liderimiz, zəmanəmizin görkəmli siyasi xadimisiniz. Sizin rəhbərliyinizlə rəşadətli ordumuzun Vətən müharibəsində qazandığı Qələbə nəticəsində torpaqlarımız işğaldan azad edildi, ölkəmizin ərazi bütövlüyü bərpa olundu, keçmiş məcburi köçkünlərin yurd həsrətinə son qoyuldu. Çox fərəhli haldır ki, ölkəmizin suverenliyinin tam bərpa edilməsi Ümummilli Liderimiz Heydər Əliyevin anadan olmasının 100-cü ildönümü ilinə təsadüf etdi. Bu, Sizin rəhbərliyinizlə əldə olunan möhtəşəm nailiyyətlərin sübutudur.
Cənab Prezident, Sizi, həmçinin Dünya Azərbaycanlılarının Həmrəyliyi Günü və Yeni il bayramı münasibətilə səmimi-qəlbdən təbrik edirik. Sizin dünya azərbaycanlılarına diqqət və qayğınız bizi tarixi Vətənimizin uğurları ilə fəxr etməyə ruhlandırır, fəaliyyətimizi daha da stimullaşdırır. Gələn il fevralın 7-də keçiriləcək növbədənkənar prezident seçkilərində Sizin namizədliyinizə yekdil dəstəyimizi ifadə edirik. Əminik ki, Azərbaycan Respublikası Sizin rəhbərliyinizlə qarşıdakı illərdə daha böyük uğurlar əldə edəcəkdir.
Dərin hörmətlə,
Fəridə Pənahova
Britaniya Azərbaycan Cəmiyyətinin rəhbəri
