Əli Əsgərovdan, Qrinsboro, ABŞ

Hörmətli cənab Prezident.
“Diaspor fəaliyyətində xidmətə görə” medalı ilə təltif edilməyim məni çox sevindirdi. Bu, mənim üçün böyük şərəfdir. Göstərilən diqqətə görə dərin minnətdarlığımı bildirirəm.

Bu medal mənim diaspor nümayəndəsi kimi fəaliyyətimə verilən qiymətdir və ölkəmizlə bağlı həqiqətlərin təbliği işinə böyük stimuldur.

Cənab Prezident, Sizin rəhbərliyinizlə Azərbaycan böyük inkişaf yolu keçmiş, ciddi nailiyyətlər əldə etmişdir. İnanırıq ki, uğurlu siyasətiniz ölkəmizə bundan sonra da yeni-yeni zəfərlər qazandıracaqdır. Gördüyünüz işlərə görə Sizə diaspor üzvləri adından səmimi-qəlbdən təşəkkür edirəm.

Qürur hissi ilə bildirirəm ki, diaspor fəalı olaraq üzərimə düşən vəzifənin öhdəsindən layiqincə gələcəyəm.

Sizə cansağlığı, fəaliyyətinizdə müvəffəqiyyətlər arzulayıram.

Hörmətlə,

Əsgərov Əli, Şimali Karolina Universitetinin Sülh və Münaqişə Araşdırmaları Departamentinin həmsədri və dosenti.

Amerika Birləşmiş Ştatları, Qrinsboro şəhəri.