Azərbaycan Respublikasının Prezidenti İlham Əliyev

Dünya Kikboksinq Təşkilatları Assosiasiyasının prezidenti Roy Beykerdən

14 fevral 2024, 18:30

Azərbaycan Respublikasının Prezidenti Zati-aliləri cənab İlham Əliyevə

Zati-aliləri.

Yenidən Azərbaycan Respublikasının Prezidenti seçilməyiniz münasibətilə Sizi təbrik edirəm. Bu gün Azərbaycan dünyada surətlə inkişaf edərək öz vətəndaşları üçün böyük imkanlar yaradan, həmçinin davamlı tərəqqini təmin edən ölkə kimi tanınır. Bu tərəqqi Sizin Azərbaycanı daha güclü və qüdrətli dövlət etmək bacarığınızdan xəbər verir. İnanıram ki, yeni prezidentliyiniz dövründə Azərbaycan inkişafını davam etdirəcəkdir.

Sizin bütün sahələrə, xüsusilə də idman sahəsinə dəstəyinizi alqışlayıram. Azərbaycan bir çox mühüm idman tədbirlərinə, festivallara, xüsusilə də Formula 1 yarışlarına ev sahibliyi edir. Buna görə də Bakı bütün dünyada idmanın mərkəzi kimi tanınır.

Zati-aliləri, Sizə və ailə üzvlərinizə ən dərin ehtiramımı və xoş arzularımı bildirirəm.

Hörmətlə,

 

Roy Beyker

Dünya Kikboksinq Təşkilatları Assosiasiyasının prezidenti

Digər yazılar