Səba Osmanovadan, Mingəçevir, Azərbaycan

Möhtərəm cənab Prezident,

Fevralın 7-də keçirilmiş prezident seçkilərində seçicilərin mütləq əksəriyyətinin səs çoxluğu ilə yenidən dövlət başçısı seçilməyiniz bizə böyük sevinc yaşatdı. Müstəqillik dövründə ilk dəfə seçkilərin Qarabağ da daxil olmaqla ölkəmizin bütün ərazisində keçirilməsi, Sizin ailə üzvlərinizlə birlikdə Xankəndi şəhərində səs verməyiniz olduqca qürurvericidir. Qalib xalq qalib Liderinə - Vətən müharibəsində qazanılmış şanlı Zəfərin müəllifinə səs verməklə Heydər Əliyev ideyalarına sədaqətini, eyni zamanda Sizə minnətdarlığını ifadə etdi.

Sizin rəhbərliyinizlə ötən iyirmi il ərzində Azərbaycan böyük tarixi yol qət edərək dünyanın qabaqcıl ölkələrindən birinə çevrilmiş, ciddi nailiyyətlər əldə etmişdir. Həyata keçirdiyiniz islahatların uğurlu nəticələri bütün sahələrdə özünü göstərir. Ölkəmizin gücü, qüdrəti gündən-günə artır. Qədirbilən xalqımız bu nailiyyətləri görür və yüksək qiymətləndirir.

Uzaqgörən və müdrik siyasətiniz sayəsində qarşıda bizi yeni uğurlar, yeni zəfərlər gözləyir. Sizə möhkəm cansağlığı, müvəffəqiyyətlər, ölkəmizin tərəqqisi, xalqımızın rifahı naminə bütün planlarınızı həyata keçirmək üçün tükənməz enerji arzulayıram.

Hörmətlə,

Səba Vüqar qızı Osmanova

Azərbaycan Respublikası, Mingəçevir şəhəri