Vidadi Əliyevdən, Abşeron, Azərbaycan

Möhtərəm cənab Prezident!

Sizin adınız Azərbaycan tarixinə qızıl hərflərlə yazılıb. Ölkəmizə rəhbərlik etdiyiniz müddətdə güclü ordu quraraq torpaqlarımızın böyük hissəsini hərbi yolla, digər hissəsini isə müdrikliyiniz hesabına diplomatik yolla işğaldan azad etdiniz. Sizin düşünülmüş siyasətiniz, ordumuzun döyüş əzmi və şəhidlərimizin qəhrəmanlığı sayəsində bu gün əzəli torpaqlarımızda müqəddəs bayrağımız dalğalanır. Biz də baxıb fərəhlənirik.

Ölkəmizdə müharibə iştirakçılarına və şəhid ailələrinə böyük diqqət göstərilir, onlar mənzillərlə təmin olunur, sosial durumlarının yaxşılaşdırılması istiqamətində hərtərəfli işlər görülür.

Sakini olduğumuz yeni yaşayış məntəqəsinə qəsəbə statusunun verilməsini də növbəti qayğı və diqqət kimi qəbul edirik. Bizə göstərdiyiniz bu qayğıya görə Sizə təşəkkürümüzü bildirir və daim dövlətimizin, Sizin yanınızda olacağımızı bəyan edirik.

Hörmətlə,

Əliyev Vidadi Rizvan oğlu,

Vətən müharibəsi əlili.

Azərbaycan Respublikası, Abşeron rayonu, Şəfəq qəsəbəsi.