İqbal Mürsəlovdan, Abşeron, Azərbaycan

Hörmətli cənab Prezident.

Sizin rəhbərliyinizlə aparılan islahatlar, görülən böyük işlər nəticəsində Azərbaycanda bütün sahələrdə köklü dəyişikliklərin, inkişafın, tərəqqinin şahidi olduq. Ölkəmizdə sosial-iqtisadi inkişaf, demokratik rifah əldə olundu.

İşğaldan azad olunan torpaqlarımız günü-gündən çiçəklənir, abad və firavan həyat qurulur, yeni salınan şəhər və kəndlər bir-birinin ardınca qucağını sakinlərin üzünə açır, soydaşlarımız böyük coşqu, sevinc və təhlükəsizliklərinə tam əminliklə öz yurdlarına geri dönürlər.

Sizin sayənizdə şəhid ailələri və müharibə iştirakçıları üçün Abşeron rayonunda inşa olunan yaşayış kompleksində firavan yaşayış üçün hər bir şərait yaradılıb. Bu günlərdə Sizin Sərəncamınızla həmin yaşayış məntəqəsinin ərazisində Şəfəq qəsəbəsi yaradılıb.

Bizə göstərdiyiniz bu diqqət və qayğıya görə Sizə dərin minnətdarlığımızı bildirir və Azərbaycanımızın bu günü və sabahı üçün üzərinizə götürdüyünüz bu müqəddəs missiyada bol-bol uğurlar arzulayırıq.

Var olun, cənab Prezident.

Hörmətlə,

Mürsəlov İqbal Əbdülrəhim oğlu, Vətən müharibəsinin əlili.

Azərbaycan Respublikası, Abşeron rayonu, Şəfəq qəsəbəsi.