Elxan Quliyevdən, Bakı, Azərbaycan

Hörmətli cənab Prezident.

Siz mədəniyyət və incəsənət xadimlərini hər zaman diqqətdə saxlamısınız, onları fəxri adlarla, təqaüd və mükafatlarla sevindirmisiniz. “İncəsənət xadimlərinə Azərbaycan Respublikası Prezidentinin mükafatlarının verilməsi haqqında” 2024-cü il 9 may tarixli Sərəncamınız da bu qəbildəndir.

Sənət adamlarına verdiyiniz dəyər, göstərdiyiniz qayğı ümumilikdə Azərbaycan mədəniyyətinin inkişafına mühüm töhfədir. Biz də öz növbəmizdə bu qayğının əvəzini öz sənət uğurlarımızla verməyə çalışırıq.

Cənab Prezident, yaradıcılığıma verdiyiniz yüksək dəyərə, məni Prezident mükafatına layiq görməyinizə görə Sizə dərin minnətdarlığımı bildirirəm.

Hörmətlə,

Elxan Quliyev,

Azərbaycan Dövlət Akademik Milli Dram Teatrının aktyoru.

Azərbaycan Respublikası, Bakı şəhəri.