Elman Rəfiyevdən, Bakı, Azərbaycan

Möhtərəm cənab Prezident.

Azərbaycan mədəniyyətinə qayğınız sayəsində bir qrup mədəniyyət və incəsənət xadimləri Sizin tərəfinizdən Prezident mükafatına layiq görülmüşdür.

“İncəsənət xadimlərinə Azərbaycan Respublikası Prezidentinin mükafatlarının verilməsi haqqında” Sərəncamınızda Azərbaycan Dövlət Pantomima Teatrının üç aktyorunun - Bəhruz Əhmədlinin, Ceyhun Dadaşovun, Nurlan Rüstəmovun adını görmək kollektivimizi çox sevindirdi. Buna görə kollektivimizin hər bir üzvü adından Sizə minnətdarlığımızı bildiririk.

İnanırıq ki, mədəniyyət işçilərinə göstərdiyiniz etimadı doğruldacaq və Azərbaycanda teatr sənətinin inkişafı üçün əlimizdən gələni əsirgəməyəcəyik.

Sizə bir daha dərin təşəkkürümüzü bildirir, uzun ömür, cansağlığı, Azərbaycan xalqının daha da firavan yaşaması naminə ali fəaliyyətinizdə yeni-yeni nailiyyətlər arzu edirəm.

Hörmətlə,

Rəfiyev Elman, Azərbaycan Respublikasının Əməkdar artisti, Azərbaycan Dövlət Pantomima Teatrının direktoru.

Azərbaycan Respublikası, Bakı şəhəri.