Murad Adıgözəl-zadədən, Bakı, Azərbaycan

Möhtərəm cənab Prezident!

Azərbaycan incəsənətini və mədəniyyətini bütün dünyada çox uğurla təbliğ edən, Müslüm Maqomayev adına Azərbaycan Dövlət Akademik Filarmoniyasında fəaliyyət göstərən incəsənət xadimlərini sərəncamınızla Prezident mükafatına layiq gördüyünüz üçün filarmoniyada fəaliyyət göstərən kollektivlərin rəhbərləri adından və şəxsən öz adımdan Sizə dərin təşəkkürümüzü bildirirəm.

Ölkəmizin incəsənətinin inkişafı və tərəqqisi yolunda gördüyünüz genişmiqyaslı işlər sənətçilərimizə olan xüsusi qayğınızın sübutudur və bu da öz növbəsində onların yaradıcılıq fəaliyyətlərində səylə çalışaraq yüksək nailiyyətlər qazanmalarına öz töhfəsini verir. Sizə ölkəmizin incəsənətinin təbliğində durmadan çalışmağınıza, bu sevinci bizə yaşatmağınıza görə bir daha öz minnətdarlığımı bildirir və hər bir uğurumuzun memarı olaraq gələcək yaradıcılıq fəaliyyətimizdə də bizə dəstək olacağınıza ümid edirəm.

Dərin hörmət və ehtiramla,

Murad Adıgözəl-zadə,

Müslüm Maqomayev adına Azərbaycan Dövlət Akademik Filarmoniyasının direktoru, Xalq artisti, professor.

Azərbaycan Respublikası, Bakı şəhəri.