Aytac Əliyevadan, Şirvan, Azərbaycan

Çox hörmətli və dəyərli cənab Prezidentimiz!

Siz ölkəmizin bugünkü inkişafını təmin etmək, xoşbəxt gələcəyini qurmaq yolunda göstərdiyiniz xidmətlərinizə görə xalqımızın dərin rəğbət və məhəbbətini, inam və etibarını qazanmısınız. Siz ölkəmizin qüdrətli dövlətə çevrilməsi naminə hər zaman gənclərə böyük meydan verilməsinin tərəfdarı olmuş, bizə səmərəli şərait yaradılması üçün mühüm addımlar atmısınız.

Mən kiçik yaşlarımdan etibarən hər gün qardaşlarımla bərabər evimizin ən gözəl guşəsində asılmış üçrəngli bayrağımızın qarşısında Azərbaycan Respublikasının Dövlət Himnini səsləndirərək, vətənimizi, torpağımızı, bayrağımızı sevməyi, dəyər verməyi, uca tutmağı öyrənmişəm. Böyüdükcə dövlətimizin inkişafı və fəxarət mənbəyimiz olan bayrağımızın ucalması üçün inamla, həvəslə, əzmlə çalışmalı olduğumuzu dərk etmişəm.

Biz gənc valideynlər də övladlarımızı vətəninin tarixini, kökünü, milli mənsubiyyətini mükəmməl şəkildə dərk edən, Vətəninə, millətinə sadiq, faydalı, layiqli şəxsiyyət kimi yetişdirməliyik.

Hər zaman gənclərimizin yanında olduğunuza görə Sizə minnətdarıq!

Hörmətlə,

Əliyeva Aytac Zaur qızı

Azərbaycan Respublikası, Şirvan şəhəri.