Qaradağlı kənd sakinlərindən, Tərtər, Azərbaycan

Möhtərəm cənab Prezident!

Siz tarix yazan Sərkərdə, xalqının daim yanında olan və onun qayğısı ilə yaşayan dövlət başçısısınız. Xalq Sizi sevir və öz Prezidentinə güvənir.

Keçmiş məcburi köçkünlərin işğaldan azad olunmuş ərazilərə qayıdışı bizi ürəkdən sevindirir. Bu sevinci bizə Siz bəxş etmisiniz. Düzgün strategiya müəyyənləşdirərək, uzun illər səmərəli fəaliyyət göstərərək və möhtəşəm Ordu quraraq düşmən üzərində Zəfərə imza atdınız və torpaqlarımızın azadlığına nail oldunuz.

Cənab Prezident, Sizə dərin minnətdarlığımızı bildirir, Vətənimizin və xalqımızın gələcəyi naminə gördüyünüz işlərdə, ali dövləti fəaliyyətinizdə uğurlar diləyirik.

Hörmətlə,

R.Məmmədov,

M.Balayev,

S.Əzimova,

Z.Abdullayeva,

Ş.Hüseynov.

Azərbaycan Respublikası, Tərtər rayonu, Qaradağlı kəndi.