Telli Əliyevadan, Bakı, Azərbaycan

Möhtərəm Prezident!

İllərin necə keçdiyini hiss etməmək üçün yəqin ki, bu keşməkeşli, çətin və qürurverici illərə şahidlik etmək, baş verən tarixi proseslərin salnaməsini yazanlar cərgəsində olmaq, şəxsən Sizin və yaratdığınız Şanlı Ordumuzun qələbəsini görmək, apardığınız nəhəng quruculuq və bərpa işlərini izləmək xoşbəxtliyini yaşamaq lazımmış.

Mən 70 illik həyatımın 50 ilindən çoxunu dərindən sevdiyim jurnalistikaya verdiyim üçün gözəlim Azərbaycanın mürəkkəb taleyinin müxtəlif dönəmlərini yaşamaq, bir çox həyati əhəmiyyətli prosesləri işıqlandırmaq, Ümumilli Liderimiz Heydər Əliyevlə müsahib olmaq məsuliyyətini və qürurunu hiss etmək, Sizin ölkəmiz üçün gördüyünüz cahanşumul işləri işıqlandırmaq, təbliğ eləmək şərəfinə nail olmuşam.

Mənim bu kiçik zəhmətimə verdiyiniz yüksək qiymət üçün Zati-alinizə ürəkdən təşəkkür edir, minnətdarlığımı bildirirəm.

Sizə çətin və şərəfli işinizdə uğurlar, möhkəm cansağlığı, uzun ömür, ailə səadəti, xoşbəxtlik, müasir və bütöv Azərbaycanın xoşbəxt gələcəyi naminə fəaliyyətinizdə böyük müvəffəqiyyətlər arzulayıram!

Tanrı Sizi və sevdiklərinizi qorusun!

Dərin hörmət və ehtiramla,

Əliyeva Telli Pənah qızı, telejurnalist.

Azərbaycan Respublikası, Bakı şəhəri.