Günay Əliyevadan, Gəncə, Azərbaycan

Möhtərəm cənab Prezident.

Sizin rəhbərliyiniz dövründə Azərbaycan böyük siyasi və iqtisadi nailiyyətlər əldə etmişdir. Azərbaycanın 44 günlük Vətən müharibəsindəki Qələbəsi Sizin yenilməz sərkərdə və layiqli dövlət başçısı olduğunuzu bir daha sübut etdi. Siz Azərbaycanın yeni tarixini yazdınız. Hazırda Qarabağda və Şərqi Zəngəzurda görülən bərpa və quruculuq işləri göz oxşayır, könülləri məftun edir. Artıq oranın yerli camaatının da köçürülməsinə başlanılmışdır.

Ölkəmizin dörd bir yanında olduğu kimi, bu gün Gəncə şəhərində də abadlıq-quruculuq işləri uğurla davam etdirilir. Biz gəncəlilər Sizin Azərbaycan dövlətinin və xalqının inkişafında xidmətlərinizin əvəzsiz olduğunu qeyd edərək Sizə təşəkkürümüzü bildiririk. Hər zaman Sizi dəstəkləyirik.

Hörmətlə,

Günay Əliyeva.

Azərbaycan Respublikası, Gəncə şəhəri.