İsmayıl Hüseynovdan, Bakı, Azərbaycan

Salam, cənab Prezident!

Şəhid ailələrinə, müharibə əlillərinə və veteranlarına göstərdiyiniz diqqət və qayğıya görə Sizə öz minnətdarlığımı bildirirəm.

Sizin güclü siyasətiniz nəticəsində, əsgər və zabitlərimizin qəhrəmanlığı sayəsində torpaqlarımız işğaldan azad olundu. Qarabağda və Şərqi Zəngəzurda həyata keçirilən quruculuq işləri insanın könlünü məftun edir. Neçə illər biz bu günlərin həsrəti ilə yaşamışıq. Bizi vüsala çatdıran yol çox çətin olsa da, Siz bu çətinliyin öhdəsindən məharətlə gəldiniz.

Mən fəxr edirəm ki, Sizin kimi qətiyyətli Prezidentimiz, müzəffər Ali Baş Komandanımız var.

Allah Sizi qorusun!

Hörmətlə,

İsmayıl Hüseynov

Azərbaycan Respublikası, Bakı şəhəri, Xəzər rayonu.