Mehriban Ələkbərzadədən, Bakı, Azərbaycan

Hörmətli cənab Prezident.

Bu il mayın 27-də imzaladığınız “2024-cü il üçün Azərbaycan Respublikasının texnika və mədəniyyət sahələrində Dövlət Mükafatlarının verilməsi haqqında” Sərəncamla məni Azərbaycan Respublikasının Dövlət Mükafatına layiq gördüyünüz üçün Sizə təşəkkür edirəm.

Qürur hissi ilə bildirmək istəyirəm ki, Ulu Öndər Heydər Əliyevin müdrik siyasətini davam etdirərək, Siz xalqımızın tarixinə, mədəniyyətinə böyük diqqət və qayğı göstərməklə mədəniyyət xadimlərini daha böyük uğurlara ruhlandırırsınız. Sizin imzaladığınız bu sərəncam mənim fəaliyyətimlə bərabər bütün Azərbaycan mədəniyyətinə, onun ayrılmaz hissəsi olan teatr sənətinə verilən böyük dəyərdir.

Bu əvəzolunmaz sevinci və bəxtiyarlığı mənə yaşatdığınız üçün Sizə bir daha minnətdarlığımı bildirir, möhkəm cansağlığı, könül xoşluğu, Azərbaycanımızın yüksəlişi naminə şərəfli və məsuliyyətli fəaliyyətinizdə davamlı uğurlar arzulayıram.

Uca Tanrı Sizi qorusun.

Hörmətlə,

Mehriban Ələkbərzadə,

Azərbaycan Dövlət Akademik Milli Dram Teatrının bədii rəhbəri, Əməkdar incəsənət xadimi.

Azərbaycan Respublikası, Bakı şəhəri.