Elçin Cəfərov və başqalarından, Ağdam, Azərbaycan

Hörmətli cənab Prezident!

Bizə həmişə kömək göstərdiyiniz üçün Sizə sonsuz təşəkkür edirik. Fəxr edirik ki, Sizin kimi Prezidentimiz var.

Ulu Öndərimiz Heydər Əliyev də vaxtilə xalqımıza yüksək xidmət göstərib. Xalqımızın düşdüyü çətinlikdən qurtulması üçün əlindən gələni edib. Allahdan Ulu Öndərimizə daim rəhmət diləyirik. Bu gün Siz onun layiqli davamçısınız. Vətəndaşlarımızın fıravan yaşamasında böyük rolunuz vardır.

Biz – Üçoğlan kəndinin sakinləri kənddəki Eşq Abdal pirinin yolunun təmir edilməsi üçün Sizə müraciət etmişdik. Çox sağ olun ki, müraciətimizə diqqətlə yanaşıldı və məsələ müsbət həll olundu. Hazırda həmin yol yüksək səviyyədə asfaltlanaraq pirə gedənlərin xidmətindədir.

Odur ki, Üçoğlan ərazi nümayəndəliyində yaşayan bütün vətəndaşlar adından Sizə bir daha təşəkkürümüzü bildirərək, “çox sağ olun!” deyirik.

Allah Sizi və ailənizi qorusun.

Hörmətlə,

Cəfərov Elçin Lənkəran oğlu,

“Şöhrət” ordenli, Prezidentin fərdi təqaüdçüsü, Əməkdar bədən tərbiyəsi və idman xadimi,

Əkbərov Səyyaf Köçəri oğlu,

İbrahimov Yaqub Abdulla oğlu,

Ağayev Oqtay Alı oğlu,

Babayev İlqar Əli oğlu və başqaları (10 nəfər)

Azərbaycan Respublikası, Ağdam rayonu, Üçoğlan kəndi.