Tural Mirzəyevdən, Ağcabədi, Azərbaycan

Hörmətli cənab Prezident, Müzəffər Ali Baş Komandan.

Sizin rəhbərliyinizlə dövlətimizin bütün sahələrdə uğurla inkişaf etdirilməsi, ərazi bütövlüyümüzün bərpası uğrunda aparılan 44 günlük haqq-ədalət müharibəsində qazanılan şanlı Qələbə bütün vətəndaşlarımızda böyük iftixar hissi yaradıb.

Hörmətli Prezident, Laçın rayonunun azad olunması üçün ortaya qoyduğunuz qətiyyətli mövqe bütün xalqımız kimi bizi də çox qürurlandırdı.

Bir vətəndaş kimi, keçmiş məcburi köçkün olaraq özümə borc hesab edirəm ki, Sizə təşəkkür və minnətdarlığımı ifadə edim.

Sizin sayənizdə doğma vətənimə qovuşdum, rəhbərliyinizlə yaralı Azərbaycan bütövləşdi, birləşdi, tam oldu, möhtəşəm Qələbənin dadını hiss etdik. Bütün bu hisslərə görə Sizə sonsuz təşəkkür edirəm.

Bu gün bu tarixi hadisələrin şahidi olmağıma görə ayrıca qürur hissi keçirirəm.

Allah Sizi və dövlətimizi qorusun!

Amin!

Hörmətlə,

Mirzəyev Tural, Laçın rayon sakini.

Azərbaycan Respublikası, Ağcabədi rayonu.