Kamil Abdullayevdən, Tərtər, Azərbaycan

Möhtərəm cənab Prezident.

Sizin əzminiz və igid əsgərlərimizin qəhrəmanlığı nəticəsində xalqımız böyük Qələbə sevincini yaşadı. Otuz il doğma yurdlarına həsrət qalan soydaşlarımız evlərinə qayıdarkən bu sevinc hissini qəlblərində yenidən hiss etdilər.

Qarabağda və Şərqi Zəngəzurda aparılan genişmiqyaslı quruculuq işləri bütün dünyaya göstərdi ki, bu torpaqların əsl sahibi azərbaycanlılardır. Hüdudları ölçülməyən bu işlər Sizin sayənizdə ərsəyə gəlir.

Bu yenidənqurma işlərini öz gözlərimlə görəndə qəlbimi qürur, fərəh hissləri bürüdü. Bu hisslərə görə Sizə minnətdaram, cənab Prezident.

Hörmətlə,

Abdullayev Kamil Abdulla oğlu.

Azərbaycan Respublikası, Tərtər rayonu, Qaynaq kəndi.