Əli Rəsulovdan, Sumqayıt, Azərbaycan

Hörmətli cənab Prezident.

Sizə və bütün ailə üzvlərinizə Uca Allahdan cansağlığı arzu edirəm. Aləmlərin Rəbbi olan Allah Sizi və sevdiklərinizi qorusun. Mən bir azərbaycanlı olaraq, Sizinlə fəxr edir, qürur hissi duyuram. Vətənimiz Azərbaycanın bu xoş günləri Ümummilli Liderimiz Heydər Əliyevin və Sizin adınızla bağlıdır.

Sizin Ali Baş Komandanı olduğunuz Azərbaycan Ordusuna xidmət etmək mənim üçün şərəfdir. Ölkəmizin hərbi qüdrəti Sizin rəhbərliyiniz dövründə çox artmışdır. Həm Ordumuzun maddi-texniki bazası güclənmiş, həm də əsgər və zabitlərimizin hazırlıq səviyyəsi yüksəlmişdir. Belə bir orduya sahib olan dövlət heç vaxt yenilməz.

Sözünüz hər zaman kəsərli, yumruğunuz dəmir kimi möhkəm olsun.

Hörmətlə,

Sizin əsgəriniz,

Rəsulov Əli Rahib oğlu.

Azərbaycan Respublikası, Sumqayıt şəhəri.