Nicat Məhəmmədli, Qəbələ, Azərbaycan

Əziz və hörmətli Mehriban xanım.

Bizim ailə Sizə böyük ehtiram və dərin məhəbbət bəsləyir. Siz bu günümüzün, sabahımızın və gələcəyimizin yaxşı olması üçün çox böyük işlər görür, dövlətimizin gündən-günə güclənməsinə, ölkəmizin çiçəklənməsinə, xalqımızın rifahının yüksəlməsinə xidmət edən uğurlu siyasət aparırsınız. Bütün bunlar Sizin vətəndaşlarımıza göstərdiyiniz diqqət və qayğının əyani təsdiqidir.

Ulu Öndərimiz Heydər Əliyevin, cənab Prezidentimiz İlham Əliyevin və Sizin Azərbaycan xalqının azadlığı, xoşbəxtliyi və firavan həyatı naminə misilsiz xidmətləriniz müstəqil Azərbaycanımızın tarixinə qızıl hərflərlə yazılıb. Mən vətənpərvər bir vətəndaş olaraq Sizinlə fəxr edirəm. Qürur hissi ilə demək istəyirəm ki, nə yaxşı, mənim yaşadığım ölkənin Sizlər kimi rəhbərləri var.

Azərbaycan xalqının xoşbəxt gələcəyi və rifahı naminə fəaliyyətinizdə Sizə böyük nailiyyətlər arzu edirəm.

Allah Sizi və ailənizi qorusun.

Hörmətlə,

Məhəmmədli Nicat Rəfayıl oğlu,

Dövlət qulluqçusu.

Azərbaycan Respublikası, Qəbələ şəhəri.