Sənan Xəlilovdan, Qazax, Azərbaycan

Hörmətli cənab Prezident.

Sizə öz adımdan və ailəm adından salamlarımı çatdırıram. Dövlətimizin gündən-günə güclənməsinə, ölkəmizin çiçəklənməsinə, xalqımızın rifahının yüksəlməsinə xidmət edən uğurlu daxili və xarici siyasətinizə görə Sizə təşəkkür edirəm.

Bu gün Azərbaycan xalqı çox məğrurdur. Neçə illərdir qəlbimizi sızladan Qarabağ həsrətinə Sizin və şanlı Ordumuzun sayəsində son qoyulmuşdur. Əminik ki, uğurlarımız davam edəcək və xalqımız daha xoş günlər görəcəkdir.

Cənab Prezident, Allah Sizi qorusun. Heç bir zaman xalqımızın və dövlətimizin başından əskik olmayasınız.

Hörmətlə,

Sənan Xəlilov,

tələbə.

Azərbaycan Respublikası, Qazax rayonu, Canalı kəndi.