Rafiz Piriyevdən, İmişli, Azərbaycan

Salam, möhtərəm cənab Prezident.

Siz ölkə vətəndaşlarının ümidlərini hər zaman doğrultmusunuz. Xalqımızın qarşısında duran ən böyük problemlər Sizin sayənizdə öz həllini tapmışdır. Eyni zamanda, Sizə ünvanlanan müraciətlər əsasında sadə kənd sakinlərinin problemləri də öz həllini tapır.

Cənab Prezident, mən üzləşdiyim problem barədə Sizə müraciət ünvanlamışdım. Müraciətimə çox obyektiv, qanunamüvafiq baxıldığına və məsələnin müsbət həll olunduğuna görə Sizə dərin minnətdarlığımı bildirirəm.

Allah Sizə cansağlığı, uzun ömür versin. Sizin kimi Prezidentimin olmağı ilə fəxr edirəm.

Var olsun Azərbaycan dövləti.

Hörmətlə,

Rafiz Piriyev

Azərbaycan Respublikası, İmişli rayonu, Məzrəli kəndi.