Vaqif Məmmədovdan, Tərtər, Azərbaycan

Hörmətli cənab Prezident.

Sizi tərtərli tələbə valideynləri adından salamlayır, təhsilə göstərdiyiniz diqqət və qayğıya görə öz minnətdarlığımızı bildiririk. Sizinlə fəxr edir, qürur duyuruq ki, milli-mənəvi dəyərlərə sadiq, ata vəsiyyətini yerinə yetirən Prezidentimiz var.

Cənab Prezident, bu il mənim oğlum Tərtər rayonunun Hüsənli kənd tam orta məktəbini bitirərək 682 balla Bakı Ali Neft Məktəbinin biznesin idarə edilməsi fakültəsinə qəbul olub. Sevincimin həddi-hüdudu yoxdur. Bu, təkcə mənim övladımın uğuru deyil, Sizin təhsilin inkişafına göstərdiyiniz qayğının nəticəsidir. Ona görə də bir valideyn kimi sevincimi Sizinlə bölüşməyi borc bildim. İnanıram ki, ali təhsilini başa vurduqdan sonra mənim övladım da müstəqil Azərbaycanımızın çiçəklənməsinə, tərəqqisinə öz töhfəsini verəcək.

Əziz Prezident, Sizin rəhbərliyinizlə işləmək də, təhsil almaq da gözəldir. Allah Sizi və ailənizi qorusun!

Hörmətlə,

Vaqif Məmmədov

Azərbaycan Respublikası, Tərtər rayonu, Hüsənli kənd sakini.