Rəsul Muradovdan, Tərtər, Azərbaycan

Hörmətli cənab Prezident.

Bir valideyn kimi o qədər sevincliyəm ki, sözlə ifadə etməkdə çətinlik çəkirəm. Bizə bu sevinci yaşadan Sizə - Ali Baş Komandana, torpaqları işğaldan azad edən şəhidlərimizə, qazilərimizə, müharibə veteranlarına bir ömür boyu minnətdarıq.

Cənab Prezident, mənim övladım Tərtər rayonu Cəmilli kənd orta məktəbini bitirib. Qəbul imtahanında 620 bal toplayaraq Qarabağ Universitetinin hüquqşünaslıq fakültəsinə daxil olub. Tərtər rayonundan 7 nəfər məhz bu universitetdə təhsil alacaq. Bu sevincli günləri bizə bəxş etdiyinizə görə Sizə təşəkkürümüzü bildiririk.

Ulu Tanrı Sizi öz pənahında saxlasın!

Hörmətlə,

Rəsul Muradov

Azərbaycan Respublikası, Tərtər rayonu, Cəmilli kəndi.