Emin Çarçiyevdən, Abşeron, Azərbaycan

Möhtərəm Prezident, cənab Ali Baş Komandan!

Sizin sayənizdə bir il əvvəl qazanılan möhtəşəm Zəfərin ildönümünü böyük qürur hiss ilə qeyd edirik. Azərbaycanın öz suverenliyini tam bərpa edərək qazandığı tarixi Qələbəyə görə Sizə minnətdarıq.

2023-cü il sentyabrın 19-da başlamış antiterror əməliyyatının 24 saat ərzində Azərbaycan Ordusunun tam Zəfəri ilə nəticələnməsi, separatçı rejimin birdəfəlik çöküşü, tarixi ata-baba yurdumuz - Xankəndidə şanlı bayrağımızın dalğalanması hər bir Azərbaycan vətəndaşına qürur, iftixar hissi yaşatdı.

Bu hissi xalqımıza Siz yaşatdınız, buna görə Sizə daim minnətdarıq. Tarixdə bir çox fatehlər, güclü sərkərdələr, qalib komandanlar olmuşdur. Dövrümüzün, yeni dünya tarixinin dahi, uzaqgörən lideri, güclü sərkərdəsi Sizsiniz.

Sizin yeritdiyiniz siyasət, həm siyasətdə, həm hərbi sahədə əldə etdiyiniz qalibiyyətlər Azərbaycanı bölgədə, dünyada söz sahibi, güc sahibi kimi tanıtdı.

Cənab Prezident, özümün və ailəmin hər bir üzvi adından, Azərbaycan gəncliyi adından bir daha Sizi təbrik edir, Sizə yorulmaz fəaliyyət, cansağlığı arzu edirəm.

Tanrı Sizi, xalqımızı, dövlətimizi qorusun.

Hörmətlə,

Carçıyev Emin

Azərbaycan Respublikası, Abşeron rayonu, Xırdalan şəhəri.