Günəşli kəndinin ağsaqqal və ziyalılarından, Saatlı, Azərbaycan

Hörmətli Mehriban xanım.

Heydər Əliyev Fondunun vəsaiti hesabına Saatlı rayonunun Ö.F.Nemanzadə adına Günəşli kənd ümumi orta məktəbi üçün 360 şagird yerlik yeni məktəb binasının tikintisinə görə kəndimizin sakinləri, o cümlədən şəhid ailələri, müharibə əlilləri və iştirakçıları adından Sizə dərin minnətdarlığımızı bildiririk.

Əhalisi əsasən axıska türklərindən ibarət olan Günəşli kəndinin sakinləri uzun illər idi ki, məktəb binasının təhsil üçün yararsız, eyni zamanda, köhnə və təmirsiz olmasından əziyyət çəkirdilər. Hər dəfə hər hansı bir yerdə yeni məktəbin açılışı eşidəndə belə bir müasir məktəbin bizim kəndimizə də qismət olmasını arzulayırdıq. Çox sağ olun ki, bizim bu arzumuzu qısa müddətdə reallığa çevirdiniz, bizi, gənclərimizi, uşaqlarımızı sevindirdiniz.

Hörmətli Mehriban xanım, Saatlı rayonunun Günəşli kənd sakinlərinə, məktəb pedaqoji kollektivinə müasir məktəb tikintisi ilə bağlı göstərdiyiniz diqqətə görə bir daha Sizə minnətdarlığımızı bildirir, gələcək fəaliyyətinizdə uğurlar arzulayırıq.

Allah Sizi və ailənizi qorusun.

Saatlı rayonunun Günəşli kəndinin ağsaqqal və ziyalıları adından dərin hörmətlə,

Qafurov Yusif İsmayıl oğlu

Mamedov Həmdi Bəhsət oğlu

Rəcəbov Gülalı Mizam oğlu

Cəlilov Mövlud Məhəmməd oğlu.

Azərbaycan Respublikası, Saatlı rayonu.