Sabir Hacıyevdən, Bakı, Azərbaycan

Möhtərəm cənab Prezident.

Siz Prezident seçildiyiniz ilk gündən respublikamızın suverenliyi, ərazi bütövlüyü üçün çalışmış, uzaqgörən siyasətiniz və iradənizlə buna nail olmusunuz. Prezident olduğunuz illər ərzində sosial-iqtisadi siyasətiniz, genişmiqyaslı islahatlar və böyük quruculuq işləri, vətəndaşların hər bir sahədə rifahının yüksəlməsinə və iqtisadi tərəqqiyə yönələn, hakimiyyətlə xalqın birliyini təmin edən, möhkəmləndirən gündəlik fəaliyyətiniz və böyük səyləriniz danılmazdır. İşğaldan azad olunmuş doğma Qarabağ torpaqları da daxil olmaqla suveren, bütöv Azərbaycanımızın hərtərəfli inkişafı Sizin müdrik rəhbərliyiniz sayəsində baş verir.

Möhtərəm Prezident, təməli Ümummilli Lider Heydər Əliyev tərəfindən qoyulmuş müasir Azərbaycan Sizin misilsiz rolunuz və əvəzsiz xidmətləriniz nəticəsində beynəlxalq arenada yüksək nüfuz qazanmış qüdrətli, güclü dövlətə çevrilib.

Hörmətli cənab Prezident, məni “Şöhrət” ordeni ilə təltif etdiyinizə görə Sizə öz dərin təşəkkürümü bildirir və mənə göstərdiyiniz yüksək etimadı daim doğruldacağıma Sizi əmin edirəm.

Cənab Prezident, Vətənimizin, xalqımızın rifahı naminə görəcəyiniz bütün işlərdə Sizə yeni-yeni uğurlar arzulayıram.

Hörmətlə,

Sabir Hacıyev,

Milli Məclisin deputatı.

Azərbaycan Respublikası, Bakı şəhəri.