Gülçimən Əhədovadan, Gəncə, Azərbaycan

Hörmətli cənab Prezident.

Siz Azərbaycanımızın çiçəklənməsi, vətəndaşlarımızın rifahının yüksəldilməsi üçün hər zaman yeni layihələr həyata keçirir, bölgələrə xüsusi diqqət və qayğı göstərirsiniz. Gəncə şəhəri də daim Sizin diqqət və qayğınızla əhatə olunub. Biz Gəncə sakinləri olaraq, şəhərimizdə son illərdə aparılmış abadlıq işlərinə görə Sizə dərin təşəkkür edirik.

Yeni-yeni sosial-infrastruktur obyektlərinin inşa edilərək istifadəyə verilməsi, küçələrin müasir üslubda işıqlandırılması, su-kanalizasiya sisteminin yenidən qurulması və digər işlər Gəncə sakinlərinin həyat səviyyəsinin yüksəlməsinə xidmət edir. Hər bir gəncəli şəhərimizdə görülən işlərə görə Sizə minnətdardır.

Çox sağ olun, cənab Prezident. Bütün gəncəlilər Sizi dəstəkləyir və Sizinlə fəxr edir.

Hörmətlə,

Əhədova Gülçimən Rasim qızı.

Azərbaycan Respublikası, Gəncə şəhəri.