Afət Məmmədzadədən, Gəncə, Azərbaycan

Hörmətli cənab Prezident!

Dahi şair Nizaminin yurdu olan Gəncəmiz hər zaman Sizin diqqət və qayğınızla əhatə olunub. Gəncədə böyük yenidənqurma işləri aparılır, eyni zamanda, tarixi incilər qorunub saxlanılır. Bugünkü Gəncə qədim və müasir memarlıq nümunələrini özündə əks etdirən, insanların könlünü oxşayan gözəl bir şəhərdir.

Ümummilli Liderimiz Heydər Əliyevin şah əsəri olan Azərbaycanımızın ikinci böyük şəhəri Gəncədə aparılan genişmiqyaslı abadlıq, quruculuq və yenidənqurma işləri hər bir gəncəlini ürəkdən sevindirir. Belə bir şəhərdə yaşadığımız üçün qürurluyuq.

Cənab Prezident, Gəncə şəhərində aparılan abadlıq və quruculuq işlərinə görə şəhərimizin sakinləri adından Sizə səmimi-qəlbdən təşəkkür edirəm.

Hörmətlə,

Məmmədzadə Afət Cəlal qızı

Azərbaycan Respublikası, Gəncə şəhəri.