Lamiyə Xəlilovadan, Gəncə, Azərbaycan

Hörmətli cənab Prezident, Müzəffər Ali Baş Komandan.

Gəncə şəhərinin abadlaşdırılması və ekoloji vəziyyətin yaxşılaşdırılması sahəsində həyata keçirilən uğurlu layihələr və ekoloji tədbirlər üçün Sizə dərin təşəkkürümüzü bildiririk. Bu layihələr ölkəmizin inkişafına, əhalinin rifahının yüksəldilməsinə və ətraf mühitin qorunmasına istiqamətlənmiş vacib addımlardır.

Ekoloji sahədəki yeniliklər, xüsusilə də yaşıllaşdırma işlərinin genişləndirilməsi, istirahət məkanlarının və parkların salınması, təmiz su ehtiyatlarının qorunması kimi tədbirlər şəhər sakinlərinin sağlam mühitdə yaşamasına və ekoloji tarazlığın təmin olunmasına böyük töhfə verir. Həmçinin ölkəmizin COP29 konfransında fəal iştirakı, Azərbaycanın beynəlxalq səviyyədə ətraf mühitin qorunması və iqlim dəyişikliyinə qarşı mübarizədə aparıcı mövqeyini bir daha təsdiq edir.

COP29-un məqsədlərinə uyğun olaraq ölkəmizdə davam edən ekoloji layihələr həm Gəncə şəhərində, həm də digər regionlarda təbiətin qorunması, tullantıların azaldılması və təmiz texnologiyaların tətbiqinə olan marağı artırır. Sizin təşəbbüsünüzlə ölkəmizdə həyata keçirilən bu irimiqyaslı layihələr ekosistemlərin qorunmasına, iqlim dəyişikliyinin mənfi təsirlərinin qarşısının alınmasına, sənaye sahələrində tullantıların azaldılmasına və şəhər sakinlərinin daha təhlükəsiz ekoloji şəraitdə yaşamasına zəmanət verir.

Bu diqqət və qayğınıza görə Sizə bir daha dərin minnətdarlığımızı bildiririk. Əminik ki, Azərbaycanın ekoloji vəziyyətinin daha da yaxşılaşdırılması istiqamətində aparılan tədbirlər ölkəmizin nüfuzunu beynəlxalq səviyyədə gücləndirəcək və gələcək nəsillərə daha yaşıl bir miras qoyacaqdır.

Dərin hörmətlə,

Xəlilova Lamiyə Şaxəli qızı.

Azərbaycan Respublikası, Gəncə şəhəri.