Murad Haqverdiyev və başqalarından, Gəncə, Azərbaycan

Möhtərəm cənab Prezident, Müzəffər Ali Baş Komandan!

Ölkəmizin qüdrətlənməsinə, dövlətimizin güclənməsinə, idmanımızın inkişafına göstərdiyiniz qayğı bizi qürurlandırır və yeni qələbələrə ruhlandırır. Bu gün biz gənc idmançılar çox məğruruq. Sizin uzaqgörən, müdrik siyasətiniz nəticəsində güclü ordumuz formalaşıb. Qarabağ sevincini bizə yaşatdığınız üçün Sizə sonsuz minnətdarıq. Bu günləri görmək hər bir gənc idmançını daha böyük qələbələrə ruhlandırır.

Ölkəmizdə idmana və idmançılara böyük diqqət və qayğı göstərilir. Doğma Gəncəmizdə idman təmayüllü obyektlərin tikintisi, o cümlədən gənc idmançıların təhsil almasına yönəltdiyiniz siyasət, bizi daim diqqət mərkəzində saxlamağınız biz idmançılar üçün böyük əhəmiyyət daşıyır. Gəncə Dövlət Universitetində təhsil aldığımız müddət ərzində idmançı tələbələrə göstərilən qayğı, keyfiyyətli təhsil almağımız üçün yaradılan şərait Sizin elmə, təhsilə verdiyiniz diqqətin nəticəsidir.

Biz idmançılar bu diqqət və qayğını daim öz üzərimizdə hiss edirik. Gənclərin təhsili üçün yaratdığınız imkanlardan istifadə edərək Azərbaycan Bayrağını daim yüksəklərə ucaltmağa söz veririk.

Hörmətlə,

Haqverdiyev Murad Elşən oğlu,

Şahniyarov Şahin Çingiz oğlu,

Bağırov Vasif Vahid oğlu,

Qənbərov İlkin Nüsrəd oğlu,

Mədətov Arzu Ülfət oğlu,

Səmədov Nizami İntiqam oğlu,

Həsənov Fərid İslam oğlu,

Abışov İbrahim Ramil oğlu və başqaları (26 nəfər).

Azərbaycan Respublikası, Gəncə şəhəri.