İltifat Lütfüzadədən, Naftalan, Azərbaycan

Hörmətli cənab Prezident.

Sizin rəhbərliyinizlə Azərbaycanın “Yaşıl dünya naminə həmrəylik ili”ndə BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29 kimi mötəbər bir tədbirin Bakı şəhərində təşkili və bu qərarın bütün ölkələr tərəfindən dəstəklənməsi Sizin növbəti uğurunuzun əyani təzahürüdür. Sözügedən tədbirə ölkəmizin yüksək səviyyədə ev sahibliyi etməsi bizim üçün qürurverici oldu.

Cənab Prezident, bu gün ölkəmiz Sizin rəhbərliyinizlə böyük uğurlara imza atır və öz mövqeyini beynəlxalq aləmdə daha da gücləndirir. Məhz uzaqgörən və müdrik siyasətinizin nəticəsidir ki, Azərbaycan Respublikası dünyanın müxtəlif ölkələri ilə hər bir sahədə uğurla əməkdaşlıq edir. Bütün bunları görmək, eşitmək biz vətəndaşları çox sevindirir və fərəhləndirir.

Əziz Prezident, fürsətdən istifadə edərək Sizə Vətənimiz Azərbaycanın daha da qüdrətlənməsi naminə yorulmaz fəaliyyətinizdə uğurlar arzulayıram.

Ulu Tanrı Sizi qorusun.

Hörmətlə,

Lütfüzadə İltifat.

Azərbaycan Respublikası, Naftalan şəhəri.