Vidadi Babanlıdan, Bakı, Azərbaycan

Möhtərəm cənab Prezident.

COP29 tədbirinin yüksək səviyyədə keçirilməsi bizi nə dərəcədə qürurlandırdısa, bədxahlarımızı da o dərəcədə xar etdi. Bu tədbir bütün dünyaya Azərbaycanın gücünü, qüdrətini göstərdi.

Vətənimizi dünyada tanıtma yolunda gördüyünüz böyük işlərə, müdrik xalqımıza yeni şan-şöhrət gətirdiyinizə görə 97 yaşlı qocaman bir yazıçı və ehtiramlı ziyalı kimi Sizi bağrıma basır, səmimi-qəlbdən minnətdarlığımı bildirirəm.

Sizin sayənizdə ölkəmizdə gedən uğurlu inkişafı, işıqlı gələcəyi gördükcə böyük qürur hissi keçirirəm. Bizim gələcəyimiz Sizinlə işıqlıdır.

Sizə möhkəm cansağlığı, uzun ömür və şərəfli fəaliyyətinizdə böyük uğurlar arzulayıram.

Dərin hörmətlə,

Babanlı Vidadi Yusif oğlu,

Əməkdar incəsənət xadimi, yazıçı, şair.

Azərbaycan Respublikası, Bakı şəhəri.