Cəmaləddin Məmmədovdan, Gəncə, Azərbaycan

Hörmətli cənab Prezident.

Siz iqlim dəyişmələrinin mənfi təzahürlərinin qarşısının alınması, ətraf mühitin qorunması istiqamətində böyük işlər görürsünüz. Erməni işğalı dövründə viran edilmiş ərazilərimizdə hazırda abadlıq–quruculuq işləri ilə yanaşı, qırılmış meşələrin bərpası, yeni yaşıllıqların salınması tədbirləri də həyata keçirilir.

Sizin rəhbərliyinizlə Azərbaycan dövlətinin və xalqının bu sahədə gördüyü işlərin dünyanın 196 ölkəsinin 80-dən çox rəhbərinin və 70 mindən çox nümayəndəsinin iştirakı ilə keçirilən COP29 konfransında nümayiş olunmasından qürur hissi keçirdik. Bu tədbirin yüksək səviyyədə təşkili ölkəmizi bütün dünyaya bir daha tanıtdı.

Biz Sizinlə - müdrik rəhbərimizlə fəxr edirik.

Hörmətlə,

Məmmədov Cəmaləddin Ələkbər oğlu.

Azərbaycan Respublikası, Gəncə şəhəri.