Şəhid Rauf İbadov küçəsinin sakinlərindən, Abşeron, Azərbaycan

Cənab Prezident!

Mən, Saray qəsəbəsində yerləşən, şəhid Rauf İbadovun adını daşıyan küçənin sakinləri adından Sizə öz dərin minnətdarlığımı bildirirəm. Ona görə ki, küçəmizin təmir olunması və asfaltlanması barədə Sizə ünvanladığımız müraciət müsbət həll olunmuşdur.

Sizin çoxşaxəli və səmərəli fəaliyyətiniz Azərbaycan xalqının xoşbəxtliyinin açarıdır. Bu açar çox bağlı qapılar açmışdır, qaranlıq dəhlizlərə işıq salmışdır. Biz də xalq olaraq daim bu işığın sorağını almışıq, Sizin ətrafınızda birləşmişik.

Əziz Prezidentimiz, Allah bütün qapıları üzünüzə açsın, həyatınız daim firavan olsun. Sizə möhkəm cansağlığı, işlərinizdə uğurlar arzu edirik. Hər zaman Sizi dəstəkləyir, hər zaman Sizin yanınızdayıq.

Hörmətlə,

Əbülfət Sevdiməliyev

Azərbaycan Respublikası, Abşeron rayonu, Saray qəsəbəsi.