Mirzəkişi Cəfərovdan, Cəlilabad, Azərbaycan

Cənab Ali Baş Komandan!

Mən ahıl yaşlı insanam, dünyanın hər üzünü görmüşəm, acılı-şirinli ömür yaşamışam. Sizin fəaliyyətinizi televiziyadan, mətbuatdan izləyir və Sizi tam dəstəkləyirəm. Biz vətəndaşlar üçün gördüyünüz işlərin dəyərini yaxşı bilirəm və fəxr edirəm.

Siz, Ata vəsiyyətini yerinə yetirən layiqli, qəhrəman bir Oğulsunuz. Xalqımıza elə bir Zəfər sevinci bəxş etmisiniz ki, əsrlər keçsə də, yenə yaşanacaq, könülləri şad edəcəkdir. Azərbaycan xalqı həm də ona görə şad-xürrəmdir ki, öz seçimində yanılmamışdır, müdrik qərar vermiş, öz taleyini Sizə etibar etmişdir. Sizi bütün Azərbaycan xalqı sevir.

Cənab İlham Əliyev, bir el ağsaqqalı olaraq xeyir-duam hər zaman Sizinlədir. Sizə təşəkkür edir, işlərinizdə uğurlar arzulayıram.

Hörmətlə,

Mirzəkişi Cəfərov

Azərbaycan Respublikası, Cəlilabad rayonu, Günəşli kəndi.