Ağgül Abbasovadan, Cəlilabad, Azərbaycan

Hörmətli cənab Prezident!

Ölkəmizin inkişafı, abadlaşdırılması və ekoloji vəziyyətin yaxşılaşdırılması sahəsində həyata keçirilən uğurlu layihələr və ekoloji tədbirlərə, görülən bütün işlərə görə Sizə dərindən təşəkkür edirəm. Bu layihələr ölkəmizin inkişafına, əhalinin rifahının yüksəldilməsinə və ətraf mühitin qorunmasına istiqamətlənmiş mühüm addımlardır.

Ötən ay Bakıda COP29-un uğurla təşkil olunması Azərbaycanın ətraf mühit amilinə, ekoloji tarazlığın qorunmasına necə mühüm önəm verdiyini bir daha göstərmiş oldu. COP29-un məqsədlərinə uyğun olaraq ölkəmizdə davam edən ekoloji layihələr bütün regionlarda təbiətin qorunmasına olan marağı artırır. Sizin təşəbbüsünüzlə ölkəmizdə həyata keçirilən bu irimiqyaslı layihələr ekosistemlərin qorunmasına, iqlim dəyişikliyinin mənfi təsirlərinin qarşısının alınmasına və ümumilikdə ölkə sakinlərinin daha təhlükəsiz ekoloji şəraitdə yaşamasına şərait yaradır.

Cənab Prezident, biz Sizinlə fəxr edirik. Sizə bu çətin işlərinizdə uğurlar arzu edirik. Allah hər zaman Sizə kömək olsun!

Hörmətlə,

Ağgül Abbasova

Azərbaycan Respublikası, Cəlilabad rayonu, Ocaqlı kəndi.