Samirə Məmmədəliyevadan, Gəncə, Azərbaycan

Möhtərəm Prezidentimiz!

Gəncə şəhərində çox böyük təmir-bərpa işlərinin aparılması barədə göstəriş verdiyinizə görə Sizə öz adımdan və Gəncə şəhəri sakinləri adından dərin minnətdarlığımı bildirirəm.

Son illər ərzində həm şəhər infrastrukturunun və yol-nəqliyyat sisteminin yenilənməsi, tarixi binaların bərpası və digər layihələrin icrası Gəncə əhalisində xoş ovqat yaratmışdır. Əminik ki, III MDB Oyunlarını uğurla təşkil etməklə bizim qədim şəhərimiz olan, Nizami yurdu Gəncə bütün MDB məkanına və daha geniş coğrafiyaya öz gözəlliyini, eyni zamanda, tarixi simasını və müasirliyini təqdim edəcək.

Əziz Prezidentimiz, Sizin və Mehriban xanımın dünyaya ən yaxşı şəkildə təqdim etdiyi böyük mədəniyyətimizi gələcəyə aparan gənclər adından bir daha Sizlərə təşəkkür edir, qüdrətli ölkəmizin xoşbəxt gələcəyi üçün bütün işlərinizdə bol-bol uğurlar arzulayırıq.

Tanrı Sizi və doğmalarınızı qorusun!

Hörmət və ehtiram hissi ilə,

Məmmədəliyeva Samirə Əsgər qızı

Azərbaycan Respublikası, Gəncə şəhəri.