Gülşən Namazovadan, Gəncə, Azərbaycan

Hörmətli cənab Prezident.

Dərin hörmətimi ifadə edərək, Azərbaycanın hərtərəfli inkişafı yolunda göstərdiyiniz səmərəli fəaliyyətinizə görə Sizə minnətdarlığımı bildirirəm.

Sizin idman sahəsinə və ümumilikdə ölkənin inkişafına göstərdiyiniz diqqət Azərbaycanın beynəlxalq nüfuzunun artırılmasına və sağlam həyat tərzinin təşviqinə xidmət edir. Bu il ölkəmizdə keçirilməsi nəzərdə tutulan III MDB Oyunları üçün əsas mərkəzin Gəncə şəhəri seçilməsi strateji və önəmli addımdır. MDB idman yarışlarının Gəncədə keçirilməsi şəhərimizin beynəlxalq səviyyədə tanınmasına, onun turizm və idman potensialının üzə çıxarılmasına əhəmiyyətli töhfə verəcək. Beynəlxalq miqyaslı tədbirin Gəncədə keçirilməsi şəhərimizin müasir idman infrastrukturu, qonaqpərvər əhalisi və zəngin tarixi ilə ideal ev sahibi ola biləcəyini bir daha sübut edir. Eyni zamanda, bu tədbir Gəncə iqtisadiyyatına yeni nəfəs gətirəcək, regionda işgüzar fəaliyyətin və turizm axınının artmasına şərait yaradacaq.

Əminik ki, Sizin rəhbərliyinizlə Gəncəmiz gələcəkdə də mədəni, iqtisadi və sosial baxımdan inkişaf edəcək, öz nüfuzunu daha da artıracaq. Yorulmaz fəaliyyətinizə və doğma Vətənimiz üçün göstərdiyiniz qayğıya görə bir daha Sizə təşəkkür edir, dərin ehtiramımı bildirirəm.

Hörmətlə,

Namazova Gülşən.

Azərbaycan Respublikası, Gəncə şəhəri.