İltifat Lütfizadədən, Naftalan, Azərbaycan

Hörmətli cənab Prezident.

Xalqımızın xoşbəxt gələcəyinə, ölkəmizin hərtərəfli inkişafına, uğur və tərəqqisinə görə Sizə minnətdarıq. Bu tərəqqi və inkişafın təməlində Sizin qüdrətiniz, müdrik siyasətiniz dayanır.

Hər zaman turistik əhəmiyyəti ilə seçilən Naftalan Sizin diqqət və qayğınız sayəsində daha da gözəlləşərək dünyaya səs salır. Son zamanlar şəhərimiz müalicəvi turizm sahəsində xeyli inkişaf edib və Naftalana gələn turistlərin sayı gündən-günə artmaqdadır. Şəhərimizin inkişafı istiqamətində həyata keçirdiyiniz bütün işlərə görə Sizə sakinlər adından təşəkkür edirəm.

Əminik ki, “Sağlamlıq turizminin inkişafında Naftalan neftinin rolunun artırılması ilə bağlı əlavə tədbirlər haqqında” Sərəncamınız tezliklə dünya şöhrətli şəhərimizin tərəqqisində əvəzsiz rol oynayacaq.

Möhtərəm Prezident, bütün görülən işlərə görə Sizə bir daha minnətdarlığımı və ehtiramımı bildirirəm.

Hörmətlə,

Lütfizadə İltifat Cəlil oğlu.

Azərbaycan Respublikası, Naftalan şəhəri.