Elxan İbrahimov və başqalarından, Tərtər, Azərbaycan

Möhtərəm cənab Prezident.

Sizin verdiyiniz tapşırıq və tövsiyələr rayonumuzda aparılan abadlıq və quruculuq işlərinə geniş təkan vermişdir. Rayonumuzda mərkəzi küçələrlə yanaşı, ətraf ərazilərin də təmir işləri diqqət mərkəzində saxlanılır.

Cənab Prezident, biz Sizin sayənizdə qalib ölkənin qalib vətəndaşlarına çevrildik. Bu gün də Sizin sayənizdə şəhidlərimizin ailələri, qazilərimiz diqqət və qayğı ilə əhatə olunub.

Biz E.Səfərov küçəsində şəhid ailələri və qazilər üçün inşa olunmuş binada yaşayırıq. Rahat yaşayışımız və istirahətimiz üçün hər cür şərait yaradılıb, həyətimizdə söhbətgahlar quraşdırılıb, ətraf gecə işıqlanması ilə təmin olunub. Bir neçə gün əvvəl isə həyətimizə yeni asfalt örtüyü salınıb.

Bu diqqət və qayğıya görə binamızın sakinləri adından Sizə minnətdarlığımızı bildiririk.

Hörmətlə,

İbrahimov Elxan,

Abdullayev Kalam,

Paşayev İlham,

Məmmədov Oktay,

İbrahimov Çingiz.

Azərbaycan Respublikası, Tərtər rayonu.