Tural Şirinovdan, Estoniya.

Hörmətli Prezident!

Azərbaycanlı təmsilçilərin “Avroviziya-2011” mahnı müsabiqəsində qalib gəlməsi münasibətilə Estoniyanın azərbaycanlı gəncləri adından Sizi – Azərbaycanın dövlət başçısını təbrik edirəm. Biz bu qələbə ilə fəxr edirik! Sizin kursunuz ölkəmizi gözəl gələcəyə aparır və bugünkü qələbə həm də Sizin xidmətinizdir. Biz ölkəmizin Avropada imicinin möhkəmlənməsi üçün əlindən gələni edən bu cür Prezidentlə fəxr edirik. Biz fəxr edirik ki, bizim belə vətənpərvər Prezidentimiz vardır.

Bizə göstərdiyiniz qayğıya görə bir daha Sizə təşəkkürümüzü bildirir, Azərbaycanın bu günü və gələcəyi naminə gördüyünüz bütün işlərdə Sizə uğurlar arzulayırıq.

Dərin hörmətlə,

Tural Şirinov, Estoniya.