Azərbaycan Respublikasının Prezidenti Zati-aliləri cənab İlham Əliyevə
Hörmətli cənab Prezident.
Sizi 60 illik yubileyiniz münasibətilə rəhbərlik etdiyim Aydınlar Partiyası adından təbrik edir, Sizə və ailənizə ən xoş arzularımı bildirirəm.
Azərbaycan Respublikasına rəhbərlik etdiyiniz dövrdə görülən işlər, xüsusən də ordu quruculuğu, işğal olunmuş torpaqlarımızın azad edilməsi üçün həyata keçirdiyiniz tədbirlər danılmazdır. 44 günlük Vətən müharibəsi dövründə Sizin Ali Baş Komandanlığınız altında Azərbaycan xalqı tarixi qələbələr əldə edərək erməni işğalına son qoydu. Sizin rəhbərliyiniz və Ali Baş Komandan kimi qətiyyətli iradəniz nəticəsində qazanılan bu tarixi Zəfər Azərbaycan xalqının və dövlətinin qüdrətinin rəmzinə çevrilərək son iki yüz ilə yaxın dövrdə Azərbaycan xalqına dəfələrlə milli fəlakətlər gətirmiş erməni şovinizminə sarsıdıcı zərbə endirdi və xalqımızın tarixi taleyi ilə bağlı olan mühüm bir məsələnin həlli ilə nəticələndi. Azərbaycanın tarixi ərazisi olan Qarabağın və Şərqi Zəngəzurun erməni işğalından azad edilməsi xalqımızın uzun illər davam edən məğlubiyyət əhval- ruhiyyəsinə son qoyaraq onu qalib xalqa çevirdi.
Hörmətli cənab Prezident, Sizin rəhbərliyinizlə hərb meydanında qazanılan Qələbənin diplomatik masada təsbiti, işğaldan azad olunmuş ərazilərimizdə abadlaşdırma, bərpa və yenidənqurma işlərinin həyata keçirilməsində və başladığınız siyasi islahatların tamamlanmasında Sizə uğurlar diləyir, dövlətimiz və xalqımızın qüdrətinin daha da gücləndirilməsi üçün atdığınız və atacağınız addımları dəstəklədiyimizi bildirirəm.
Hörmətlə,
Qulamhüseyn Əlibəyli
Aydınlar Partiyasının sədri
