Araz Yaqubov və başqalarından, Lənkəran, Azərbaycan

Çox hörmətli cənab Prezident!

Sizin mətin və cəsarətli iradəniz sayəsində ölkəmizin beynəlxalq nüfuzu günü-gündən artır.

Bütün sahələrdə olduğu kimi diplomatiya sahəsində də böyük uğurlara imza atılır. Macarıstanda həbsdə olan həmyerlimiz Ramil Səfərovun Azərbaycana ekstradisiya olunması və Sizin humanist prinsiplərə əsaslanan Sərəncamınızla əfv olunması bütün Azərbaycan xalqının ürəyincədir. Bu eyni zamanda, Vətənimizin müstəqilliyi, dövlət sərhədlərimizin bütövlüyü uğrunda canlarını fəda etmiş, şəhid bacı və qardaşlarımızın ruhuna hörmət və ehtiramdır.

Azərbaycanın suverenliyi uğrunda şəhid olmuş Vətən övladlarına böyük sevgi və dərin ehtiramın ifadəsidir. Bu gün, Azərbaycan xalqı kimi Lənkəran rayonunun İstisu qəsəbəsində fəaliyyət göstərən “Yaşıl çay” fermer təsərrüfatının kollektivi də dərin sevinc hissi yaşayır. 

Günü-gündən abadlaşan, gözəlləşən Azərbaycanı dünya miqyasında iqtisadi, siyasi, diplomatik sahələrdə böyük imicə və söz sahibinə malik dövlətə çevirən Prezident İlham Əliyev bir daha sübut etdi ki, o həqiqətən hər bir azərbaycanlının, hər bir əsgərin, hər bir zabitin qayğıları ilə yaşayan və onun arxasında duran qüdrətli dövlət başçısıdır.

Belə qeyrətli vətən övladları haqqında imzalanmış tarixi sənəd gənclərimizin vətənpərvərlik duyğularını bir daha artıracaq. Jurnalımızın yaradıcı heyəti adından Azərbaycan xalqının sevincinə qoşularaq cəsur və qəhrəman vətən övladı Ramil Səfərov haqqında imzaladığınız humanist Sərəncama görə Sizə dərin minnətdarlığımızı bildirir, Sizə və ailənizə cansağlığı, uzun ömür, Vətənimizin tərəqqisi naminə gördüyünüz işlərdə daha böyük uğurlar arzulayırıq.

Cənab Prezident! Biz həmişə Sizinləyik! Biz lənkəranlılar Sizin ətrafınızda möhkəm birləşmiş, torpaqlarımızı azad etmək üçün döyüş əmrinizi gözləyirik.

Hörmətlə,

Araz Yaqubov, “Yaşıl çay” Kəndli fermer təsərrüfatının rəhbəri,
Bəxtiyar Hüseynov,
“Yaşıl çay” jurnalının baş redaktoru, AYB-nin üzvü, “Qızıl qələm” mükafatı laureatı.

Azərbaycan Respublikası, Lənkəran rayonunun İstisu qəsəbəsi.