Azərbaycan Respublikasının Prezidenti Zati-aliləri cənab İlham Əliyevə
Zati-aliləri cənab Prezident,
Türkdilli Ölkələrin Parlament Assambleyasının (TÜRKPA) Katibliyi adından və şəxsən öz adımdan Sizi doğum gününüz münasibətilə səmimi-qəlbdən təbrik edir, ən xoş arzularımı çatdırmaqdan böyük məmnunluq duyuram. Xalqın rifahı və ölkənin hərtərəfli inkişafına yönəlmiş məqsədyönlü və uğurlu dövlətçilik siyasəti qardaş Azərbaycanın nüfuzunu yüksəldərək onun beynəlxalq aləmdə öz layiqli yerini tutmasını təmin etmişdir.
Azərbaycan Sizin rəhbərliyinizlə regionda dayanıqlı sülhün və təhlükəsizliyin təmin edilməsinə, türk dünyasının birliyinin möhkəmlənməsinə mühüm töhfə verməkdədir.
Türk dövlətləri arasında əməkdaşlığın parlament ölçüsü olaraq TÜRKPA-nın səmərəli fəaliyyəti üçün daim göstərdiyiniz diqqətə və Azərbaycan hökuməti tərəfindən yaradılmış şəraitə görə Sizə dərin minnətdarlığımı bildirirəm.
Bu xoş fürsətdən istifadə edərək Sizi bir daha təbrik edir, möhkəm cansağlığı, ali dövləti fəaliyyətinizdə və bütün təşəbbüslərinizdə uğurlar, Azərbaycan xalqına sülh və firavanlıq arzulayıram.
Dərin hörmət və ehtiramla,
Mehmet Süreyya Er
Türkdilli Ölkələrin Parlament Assambleyasının Baş katibi
