Vyetnam Sosialist Respublikasının Prezidenti Çan Day Kuanqdan

Azərbaycan Respublikasının Prezidenti Zati-aliləri cənab İlham Əliyevə

Cənab Prezident.

Azərbaycan Xalq Cümhuriyyətinin 100 illiyi münasibətilə Vyetnam Hökuməti və xalqı adından Sizə və xalqınıza ən səmimi təbriklərimi çatdırıram.

İstər regional, istərsə də qlobal səviyyədə Azərbaycanın rolunu və mövqeyini gücləndirən quruculuq və inkişaf prosesində Zati-alinizin rəhbərliyi ilə xalqınızın böyük nailiyyətlər əldə etməsi Vyetnamda daim izlənir və biz bundan sevinc hissi keçiririk.

Vyetnam və Azərbaycan nəsillər boyunca hər iki ölkənin liderləri və xalqları tərəfindən yaradılan, təkmilləşdirilən ənənəvi dostluq münasibətlərinə malikdir. Vyetnam hər iki xalqın maraqları naminə bu səmərəli əlaqələri daim dəyərləndirir və daha da gücləndirməyi arzulayır.

Vyetnam ilə Azərbaycan arasında bir çox sahələrdə hər iki ölkənin maraqlarına cavab verən əməkdaşlığın nəticələrini yüksək qiymətləndirirəm. Tam əminəm ki, liderlərimizin və xalqlarımızın güclü siyasi iradəsi ilə Vyetnam və Azərbaycan arasında dostluq münasibətləri və əməkdaşlıq hər iki ölkənin inkişafına, bölgədə və dünyada sülhə, sabitliyə, rifaha əhəmiyyətli dərəcədə töhfə verərək səmərəli şəkildə dərinləşəcəkdir.

Zali-aliləri, Sizə cansağlığı və şərəfli fəaliyyətinizdə uğurlar, Azərbaycana və Azərbaycan xalqına daha çox firavanlıq və xoşbəxtlik arzulayıram.

Hörmətlə,

Çan Day Kuanq

Vyetnam Sosialist Respublikasının Prezidenti